BPA bearrašiidda geain leat mánát = Friddjavuohta ja heivehanmunni árgabeaivvis
Leat go dus mánát vuollel 18 jagi geat orrot ruovttus ja geain lea doaimmashehttejupmi?
De lea dus vuoigatvuohta oažžut veahki mii lea organiserejuvvon dego BPA.
BPA riekti šattai gustovaš láhkan 2015is. Dát mearkkaša ahte buohkain geain lea veahkkedárbu ja gokča BPA gáibadusaid, lea riekti oažžut BPA.
BPA lea vearditmeahttun fálaldat sihke mánáide ja nuoraide. Ii gávdno vuolit áhkkemearri, iige diagnosagáibádus – dat lea veahkkedárbu mii lea loahpalaš mearrádus – ja sihke mánát ja bearaš sáhttet oažžut buoret eallinárvvu.
Go lea BPA, de du mánná beassá:
- Vuostažettiin leahkit mánná, ahte ii galgga čálmmusdahttit dušše doaimmashehttehusa.
- Beassat stoahkat olbmáiguin ja doaimmain leat mielde.
- Iešheanalaččat vásihit máilmmi ja oahppat ođđa diŋggaid.
- Dovdat friddjavuođa ja iešbirgejumi.
Leago du mánás doarjjaolmmoš? Dán sáhttá maid rievdadit BPA’an, juoga mii addá mánnái vel eambbo heivehanmuni ja doarjaga.
Go lea BPA – de beasat mearridit:
- Gii lea du bargojoavkkus
- Makkár bargguid sii galget doaimmahit
- Goas dii dárbbahehtet dán bálvalusa
Assisteantat šaddet máná «juolggit ja gieđat» ja sáhttet veahkehit sihke práktihkkalaš bargguiguin ja sosiálalaš doaimmaiguin. Dát addá bearrašii vejolašvuođa leahkit fárrolaga, iige váibat ja rahčat fuolahusbargguiguin.
Ii leat bággu ohcat BPA buot máná dárbbuide vuosttaš vuoru. Sáhtát álgit unna áigemearradusažiin, mii gokča daid buot dehaleamos dárbbuid alggos. Go mánná stuorrola ja veahkkedárbbut rivdet, de sáhtát ohcat eambbo veahkkediimmuid mearradussii.
Manne válljet BPA?
Hábme oadjebasvuođa ja vejolašvuođaid ovddasguvlui
Assisteantat BPA-ortnegis sáhttet veahkehit juohkelágan praktihkkalaš bargguiguin, mánáidgárde/skuvlačuovvolemiin ja muđui eará doaimmaiguin.
Don bijat ieš rájiid ja njuolggádusaid iežas BPA-ortnegii, mat leat heivehuvvon buoremusat máná dárbbuide ja bearrašii.
Doarjja DOAIMMALAŠ JA ÁRJJALAŠ eallimii mánáide ja nuoraide:
Mánáide geat hedjonit dahje leat riegádan doaimmashehttejumiin, soaitá ávkin árrat álgit BPAiin. Dat addá mánnái vejolašvuođa hárjanit assisteantaide unnivuođa rájes jo, mii soaitá geahpidit iešheanalaš eallima.
BPA sáhttá addit mánnái friddjavuođa searvat astoáiggedoaimmaide, servvoštallat olbmáiguin ja muđui iešovdáneami.
BPA sáhttá áimmahuššat beaivválaš veahki ja addit nuoraide friddjavuođa ja priváhtaeallima. Oktii boahtá sis dárbu beassát eret ruovttus, ja álgin nuoraid- dahje joatkkaskuvlii addá ođđa álggu, ođđa olbmáid, deaivvadanbáikkiid ja beroštumiid.
Manne válljet BPA Nord?
Mis lea guhkes bargovásáhus BPA ektui ja veahkehit du áinnas ohcáma rájes ja maiddái gávdnát rievttes assisteantaid. Mis leat ráđđeaddit geain lea guhkes bargohárjaneapmi jođihit iežaset mánáid BPA-ortnegiid.
Leage sihkar ahte oaččut dan veahki maid dárbbašat BPA Nordas
- Mis lea guhkes vásáhus BPA-ortnegiin, olbmuin ja bearrašiin geain leat iešguđetlágan dárbbut ja doaibmanávccat.
- Leat go ožžon jo BPA mearrádusa vuoi háliidat go lonuhit bálvalusaid min lusa, dahje dárbbašat eara veahki – riŋge dahje sáddes dieđu dahje e-boasta.
Les også
BPA Nord
Gelbbolašvuohta | Dohkkeheapmi | Árvvusatnin | Luohttámuš