Juohke beaivvi mii sáhttit buoridit árgabeaivvi olbmuiguin geaiguin deaivvadit, ja guhtet guoibmáseamet. Dat sáhttá leat moddji, olgeš giehta dahje bargojođiheddjjiin ja bargoskihpáriin čoavdit hástalusaid ovttas. Min áŋgiris bargit leat máhtolaččat ja máškit, geat čuolmmaid sáhttet čoavdit. Sii bidjet álo olbmo ovddemussii. Mis leat árvvut guovddážis mat duođaštit min sávaldaga ásahit buoret árgabeaivvi:
Gelbbolašvuohta
Sihke formálalaš ja eahpeformálalaš gelbbolašvuohta mearridá gievrras ja máhtolaš bargobirrasa. BPA Nord’as mii atnit árvvus oktilaš oahppama ja ovdáneami, ja dat boahtá ovdan min siskkáldas oahpahusas. Máŋggabealat fálaldagaid bokte mii sihkkarastit ahte min bargit besset álo gazzat ođđa oahpu ja leat gergosat dusttet suorggi hástalusaid. Dán sii dáhket BPA veahkkekurssaid, bargojođiheddjiid ja assisteanttaid čuovvoleami bagadallama ja bargiid čoahkkimiid bokte, ja vel sihke siskkáldas ja olgguldas kurssaid, konferánssaid ja webinaraid oassálastima bokte. Mii deattuhit maiddái máhtto- ja vásáhuslonohallama organisašuvnnaid gaska, nu ahte mii sáhttit juogadit gelbbolašvuođa ja vásáhusaid gaskkaneaset. Go mii vuoruhit geavaheddjiid mielváikkuheami ja čájehit ipmardusa min kunddariidda, de mii sihkkarastit ahte min bálvalusat ja čovdosat oláhit geavaheddjiid duohta dárbbuid ja vuordámušaid. Dieinna lágiin mii láhčit vuođu dynámalaš ja máhtolaš bargobirrasii, mii oppa áiggi galggašii ovdánit.
Dohkkeheapmi
Dohkkeheapmi árvvuin mii deattuhit dan ahte oaidnit eará olbmuid dakkárin go sii leat. Dat mearkkaša árjjalaččat guldalit, duođaštit sin dovdduid ja oainnuid, ipmirdit sin oainnu, ja muđui čájehit dohkkeheami, gierdevašvuođa ja rabasvuođa. Erenoamážit go mii deaivvadit siiguin geain lea BPA, de lea deaŧalaš gulahallat dohkkehemiin, danne go mii dárbbašit guhtet guimmiideamet jus galgat ovdánit. Mii dohkkehit ahte mearráduseaiggat lea iežas vásahusaid áššedovdi, ja mii atnit árvvus mearráduseaiggadiid oainnuid ja vásáhusaid. Go mii addit konstruktiivvalaš dieđuid, de leat mii mielde ovddideame sihke ovttaskas olbmo ja organisašuvnna oppalaččat.
Árvvusatnin
Buohkat háliidit árvvusadnojuvvot, dan mii dahkat go čájehit gudnevuollegašvuođa earáide. Dát mearkkaša ahte olmmoš guldala ja váldá earáid duođalaččat, beroškeahttá duogážis dahje posišuvnnas. Mii dovddastit ja atnit árvvus ahte mii leat iešguđetláganat, ja ahte girjáivuohta riggudahttá min organisašuvnna. Ehtalašvuohta lea min miellaguottuid ja árvvuid guovddážis, ja mii addit saji iešguđetlágan oaiviliidda ja perspektiivvaide. Mii doallat iežamet šiehtadusaid ja atnit daid árvvus, sihke iežamet giela ja hámi dáfus. Mii dohkkehit ahte sáhttet boasttuvuođat dáhpáhuvvat, ja mii ávžžuhit jearrat veahki go dasa lea dárbu. Dáid doaimmaid bokte mii ráhkadit fátmmasteaddji ja doarjjavuđot birrasa, gos juohkehaš sáhttá dovdat iežas árvvusadnojuvvon.
Luohttámuš
Luohttámuš ii leat juoga mii dušše boahtá iešálddis, muhto báicca juoga maid galgá ánssášit. Mii ipmirdit ahte luohttámuš lea hui deaŧalaš, sihke siskkáldasat ja olggobealde, ja mii bargat oktilaččat hukset ja bisuhit dan. Leahkit rabas lea dehálaš go hukset luohttámuša, ja mii deattuhit ahte bargit ožžot oadjebasvuođa dan bokte ahte mii bargoaddin leat vuoiggalaččat ja olámuttus. Min kultuvra hálddaša eahpeluohttámuša ja soahpameahttunvuođaid go movttiidahttit rabas ja konstruktiivvalaš gulahallamii. Mii doahttalit personsuodjalannjuolggadusaid ja iešheanalašvuođa, go doaimmahit iežamet sániid vuođul. Min gelbbolašvuohta, sihke fágalaččat ja olbmuidgaskasaččat, lea luohttámuša gáldu, ja mii bisuhit jearggalaš ja oaidnit vejolašvuođaid ovddasguvlui vuoi hukset luohttámuša áiggi mielde. Mii leat oskkáldasat, doarjut guhtet guoibmámet ja leat rehálaččat ja vuoiggalaččat buot dilálašvuođain. Dáid prinsihpaid vuođul mii láhčit vuođu luohtehahtti ja bistevaš bargobirrasii.