Dábálaš gažaldagat

Buohkat sáhttet lonuhit BPA lágideaddji, nu guhká go dán fitnodagas lea šiehtadus du suohkaniin. Váldde oktavuođa iežat suohkaniin ja muital sidjiide du sávaldaga. Bargojođiheaddji beassa de johtuibidjat loahpahanproseassa dálá bálvalusain ja álggáhit ovttasbarggu ođđa BPA-lágideddjiin. Buot du bargiin lea vejolašvuohta čuovvut mielde ođđa lágideaddjái, ja sii leat sihkkarastojuvvon seammá bálkáeavttuid ja virgeproseanta mii lei. Ođđa lágideaddji sáhttá maid fállat buoret eavttuid jus háliida.

Go leat dieđihan juolludanbargojovkui ahte válljet BPA Nord lágideaddjin, de bidjat johtui vuosttaš proseassaid, vuoi beassat álggahit ja cegget du ortnega.

Mis leat bargojođiheaddjit geain leat stuorá mearrádusat geain lea máŋga jagi leamaš BPA.

Jus it sáhte ieš leat bargojođiheaddji, de sáhttá muhtun geainna dus lea lagaš oktavuohta, leat bargojođiheaddji. Ovdamearkkadihte váhnen dahje váhnenovddasteaddji. Jus dus ii leat oktage, de ferte ovttas suohkaniin árvvoštallat gii galga áimmahuššat bargojođiheaddji-rolla du ovddas. Ovttas mii sihkkarastit buori gulahallama ja ovttasbarggu.

Jus du BPA ohcán dohkkehuvvo, de juolluduvvo dutnje vissis diibmolohku suohkana mearradusa mielde. Bálvalus iešalddis lea nuvtta dutnje, earret iežasoassi maid suohkan sáhttá gáibidit dus, ovdamearkkadihte geavatlaš veahki ovddas. Dát bálvalusat bohtet deattuhuvvot du mearradusas ja maiddái mot rehkenastet dán du iešoasis. Earret dán eai leat eará ekonoamalaš geatnegasvuođat. Ii leat earohus gean don válljet lágideaddjin, lágideaddjit ja suohkan leat ovdagihtii dahkan šiehtadusaid mat muddejit bálvalusa ja olggosgoluid.

JUO. BPA juolluduvvo vaikko gos orošit. Mearkkaša dán ahte olbmot geat orrot oktasaš ássanbáikkiin, sáhttá leat riekti oažžut bálvalusaid mat lea organiserejuvvon dego BPA, jus fal eará eavttut leat ollašuhttojuvvon.

Olbmuin geain lea lagas oktavuohta, eai sáhte virgáiduvvot veahkkebargin du BPA-ortnegii, earret dalle go suohkanis lea spiehkastat dán njuolggadusas. Lea bálvalusdárbbašeaddji dahje bargojođiheaddji gii galgá váldit oktavuođa suohkana áššemeannudeddjiin, ohcán dihte lobi virgádit olbmo gii lea lagas oktavuođas. Dalle ferte suohkan ráhkadit čálalaš dohkkeheami mii sáddejuvvo lágideaddjái.

Bargojođiheaddji sáhttá soahpat veahkkebargiiguin searvat mátkái. Fertet ovdagihtii ráhkadit mátkešiehtadusa ja bargoplána. Bargoaddi galgá maid dohkkehit šiehtadusa. Dáinna sáhttet BPA Nord ráđđeaddit veahkehit du. Bargi biebmo- ja orrungoluid sáhttá bargoaddi buhtadit doaibmakonto bokte, jus doppe lea ruhttá ja jus lea dohkálaš máksinduođaštus.

Don oaččut oahpahusa min neahttavuđot jorrosvuogádagas. Dát addá dieđuid iežat bargoplána birra ja rabas vávttaid birra maid sáhtát fállat. Seamma vuogádagas, neahta dahje appa bokte, beasat iežat siidui ja oaččut dastto bálkka diimmuid ovddas maid ieš duođaštat ahte leat bargan.

Lea ásahuvvon doaibmakonto vuoi dus lea vejolašvuohta oažžut buhtadusa bargobirasdoaibmabijuid ovddas ja daid goluid ovddas maid oaččut veahkkebargiin árgabeaivvis. Mii fuomášuhttit ahte dát ruđat eai leat ruđat maid bargojođiheaddjit ožžot ja maid sáhttet geavahit mot háliidit, muhto leat ruđat mat leat várrejuvvon din geavahussii ja maid sáhtát geavahit dihto eavttuid vuođul. Min neahttauskkádasas gávnnat álkit listu mii čájeha man ollu leat ožžon ruovttoluotta, ja gávnnat maiddái goluid maid ovdal leat ožžon ruovttoluotta.

JUO. Don sáhtát, nu guhká go bearráigeahččanplánat heivejit oktii ja sihkkarastet dutnje láhkageatnegahtton vuoiŋŋasteami ja friddja barggu, bargat gitta 100% rádjai máŋggain BPA Nord fitnodaga bargojođiheddjiin. Muitte muitalit iežat bargojođiheddjiide ahte barggat eará BPA ortnegiin, nu ahte turnus/turnusnuppástus váldojuvvo vuhtii.

BPA Nordas leat várrejuvvon ruđat gokčat goluid mat čuvvot go olmmoš váldá mielde assisteantta lupmui dahje mátkái. Leat soames gáibádusat oažžut refušuvnna dáid ruđaid ovddas, ja mii muitalit daid birra buori áiggis, nu ahte álkit sáhtát čuovvut daid bargovugiid mat BPA Nordas leat.

Juo. Lea čilgejuvvon ahte dus sáhttá leat vuoigatvuohta oažžut BPA vaikko dus lea mearrádus bággema ja fápmogeavaheami birra Dearvvašvuođa- ja fuolahusbálvaluslága vuođul. Dalle berre mihttomearrin leat eastadit ja ráddjet bákku ja fámu geavaheami.