Sáhtát lonuhit lágideaddji goas fal háliidat
Bargojođiheaddjit geain lea BPA mearrádus ja gullet suohkanii mas lea almmolaš dahje priváhta lágideaddjišiehtadus, sáhttet iežaset sávaldaga mielde molsut lágideaddji.
Don gii leat bargojođiheaddji fertet ieš váldit oktavuođa iešguđet bálvalusfálliin vai beasat diehtit maid sii sáhttet fállat molsuma oktavuođas.
Mii BPA Nord:as háliidit ahte buohkat riikkaoasis galget beassat leat hoavda iežaset árgabeaivvis.
Lonuheapmi gohčoduvvo doaibmasirdin
Lágideaddjit leat geatnegahttojuvvon fuolahit njuovžilis sirdima ja doaibmasirdima fitnodagaid gaskka.
Veahkkebargiin geat gullet du bargojovkui, lea vuoigatvuohta čuovvut mielde ođđa lágideaddjái seamma bargo- ja bálkáeavttuiguin.
Ná lonuhat lágideaddji
Don válddát oktavuođa iežat juolludanovttadagain suohkanis ja muitalat ahte háliidivččet lonuhit lágideaddji. Juolludanovttadat álggaha proseassa ja dieđiha dálá lágideaddjái du sávaldaga birra, ja váldá dasto oktavuođa ođđa lágideddjiin ja dieđiha ahte don háliidat sirdima.
Lágideaddjit, bargojođiheaddji ja asisteanttat dollet doaibmasirdinčoahkkima mas bargit ožžot dieđuid sin rivttiid birra ja leat go sin bálkáeavttut sihkkarastojuvvon seammaládje ođđa bargoaddis. Veahkkebargiin lea guokte vahkku várrenáigi maŋŋel čoahkkima hilgut fálaldaga searvat viidáseappot ođđa bargoaddái.
Leage sihkar ahte oaččut dan veahki maid dárbbašat BPA Nordas
- Mis lea guhkes vásáhus BPA-ortnegiin, olbmuin ja bearrašiin geain leat iešguđetlágan dárbbut ja doaibmanávccat.
- Leat go ožžon jo BPA mearrádusa vuoi háliidat go lonuhit bálvalusaid min lusa, dahje dárbbašat eara veahki – riŋge dahje sáddes dieđu dahje e-boasta.
Les også
BPA Nord
Gelbbolašvuohta | Dohkkeheapmi | Árvvusatnin | Luohttámuš