Gii sáhttá ohcat BPA?

Sihke mánát ja rávisolbmot sáhttet oažžut BPA, ja jus dus lea riekti dasa, de fertet:

• Jus leat vuollel 67 jagi.
  Guhkitáigge veahkkedárbu (eanet go 2 jagi).
  Veahkkedárbu 32/25 diimmu vahkus.
• Jus dárbbašat veahki mánnái gii lea vuollel 18-jagi, addojuvvojit seamma vuoigatvuođat.

Sáhtát ohcat BPA vaikko dus ii leat lága mielde vuoigatvuohta dasa. Sáhtát ohcat BPA maiddái unnit diibmologuin, nu guhká go sáhtát ákkastallat ahte BPA lea bálvalus mii heive buoremusat dutnje.

Veahkki BPA ohcamis

Mii áinnas veahkehit du sihke kártet makkár dárbbut dus leat ja maid berret deavdit mielddusin du ohcamii. Mii diehtit mot geahpidit du árgabeaivvi.

Lea dehálaš ahte jurddašat masa háliidat geavahit iežat áiggii, masa don dárbbašat veahki ja mot don háliidat dan. Dasa lassin sáhttá dárbbašit duođaštusa fástadoaktáris ja/dahje erenoamášdearvvašvuođabálvalusas, mii vuođđuda ja čilge du dárbbuid árgabeaivvis.

Ohcán galgá sáddejuvvot du suohkanii

Lea suohkan gos orut dahje gos leat, geain lea ovddasvástádus mearridit oaččut go BPA. Danin fertet álggos sáddet ohcama suohkanii.

Go sáddet ohcama, de berret čállit makkár praktihkkalaš ja persovnnalaš veahkkedárbbut dus leat. Ohcan galgá čállojuvvot dárkilit ja konkrehtalaččat. Váldde buori áiggi vuđolaččat buktit ovdan buot dárbbuid, ja makkár heiveheapmi dárbbašuvvo vai sáhtát searvat doaimmaide iežat ruovttus ja olggobealde ruovttu. 

Ohcamušas berrejit čuožžut du beaivválaš, vahkkosaš, mánnosaš ja jahkásaš dárbbut, nu ahte sáhttet árvvoštallat gaskamearálaš diibmodárbbu vahkkus. 

Gielda viežžá dieđuid mat leat dárbbašlaččat du ohcama árvvoštallamii. Sii árvvoštallet du ohcama dan ektui maid, goas, gos, movt, man ollu ja dávjá dárbbašat veahki. Mii vuordit ahte don ovdal ohcanproseassa dovddat bures iežat BPA-ortnega.

Mii sáhttit du veahkehit hábmet ohcama ja buktit rávvagiid ohcanproseassas. Váldde oktavuođa lagamus kantuvrrain

Ohcanproseassa lávkkiid mielde

1. Oza dieđuid ja gávnnat olggos mii BPA lea: 
   Fina suohkana neahttasiiddus dahje váldde oktavuođa siiguin jus háliidat dieđuid ohcanproseassa birra. BPA Nord sáhttá maid du veahkehit dáinna.
2. Čilge iežat dárbbuid: 
   Čále dárkilis ohcama mas čilget du praktihkkalaš ja persovnnalaš veahkkedárbbuid. Čilge buot bargguid maidda dárbbašat veahki, sihke ruovttus ja muđui.
3. Sádde ohcama: 
   Sádde ohcama juolludanbargojovkui du suohkanis.
4. Suohkana árvvoštallan ja mearrádus:
   Suohkan árvvoštallá du ohcama ja addá dutnje čálalaš mearrádusa. Mearrádusa vuođustus galgá boahtit ovdan reivves, ja dieđut váidinvejolašvuođaid birra ja váidináigemeari birra.
5. Háliidat go váidit?
6. Sáhtát váidit suohkanii jus it leat duhtavaš mearrádusain. Váidda sáhttá ovddiduvvot Stáhtahálddašeaddjái loahpalaš mearrideapmái.