Jus it sáhte fuolahit bargojođiheaddjirolla ollásit dahje muhtin muddui ieš, de sáhttet earát fuolahit dan. Jus čoavddus oro leame buorre ja dohkálaš ortnet, mii sihkkarastá geavaheaddjistivrema, de sáhttá nammadit mielbargijođiheaddji.
Mielbargojođiheaddjis leat seamma barggut ja ovddasvástádus go bargojođiheaddjis, ja son ferte fuolahit ahte geavaheaddjistivren fuolahuvvo buori vuogi mielde.
BPA-ortnega sáhttá áimmahuššat olmmoš gii bures dovdá su geas lea BPA
Geavaheaddjistivrema fuolahit earát go bálvalusdárbbašeaddji ieš, geat geavaheaddji ovddas dahje ovttas suinna jođihit geavaheaddjistivrejuvvon persovnnalaš ortnega. Go bálvalusdárbbašeaddji lea badjel 18-jahkásaš, de dan oktavuođas sáhttá váhnen, oabbá/viellja, ovttasorru, guoibmi, mánná, ustit, ránnjá dahje eará olmmoš gii bures dovdá su, leat miel-bargojođiheaddji. Vuollel 18-jahkásaš mánáid ektui lea son geas lea váhnenovddasvástádus/ovddasteaddji gii váldá badjelasas dán rolla.
Sáhttá leat stuorát dárbu plánet
Mielbargojođiheaddji ii leat álo mielde go veahkki addojuvvo. Dát sáhttá dagahit ahte dárbbašuvvot eanet veahkkečoahkkimat, mat addet vejolašvuođa dieđuid juohkit, plánet ja koordineret. Jus mielbargojođiheaddji muhtun áigodagas ii leat olámuttos, de ferte sihkkarastit ahte muhtun lea sadjásažžan go lea dárbu.
Loga eambbo
BPA Nord
Gelbbolašvuohta | Dohkkeheapmi | Árvvusatnin | Luohttámuš