BPA Nord personsuodjalusjulggaštus
Dát persovdnajulggaštus čilge movt BPA Nord meannuda persovdnadieđuid.
1. Ulbmil persovnadieđuid meannudemiin
BPA Nord lea lágideaddji geavaheaddji stivrejuvvon persovnnalaš veahkis. Buot persuvdnadieđuid meannudeamit BPA Nord fitnodagas dahkkojuvvojit dan dihte vuoi sáhttit fállat ja heivehit BPA-bálvalusaid min bálvalusgeavaheddjiide.
Dát persuvdnadieđut sáhttet leat omd. namma, telefonnummar, čujuhus ja eará dieđut mat guskket šiehtadussii mii lea gaskal BPA Nord ja bálvalusgeavaheaddji.
2. Sihkarvuohta
Buot mielbargit BPA Nordas, beroškeahttá das mainna barget, leat vuolláičállán jávohisvuođaduođaštusa.
Buot persovdnadieđut vurkejuvvojit EU/EØS rámmaid siskkobealde ja heivejit Persovdnadiehtolága njuolggadusaide (Personopplysningsloven).
3. Meannudanvuođđu
Gieđahallanvuođđu persuvdnadieđuin mat leat dán dokumeanttas namuhuvvon lea GDPR artihkkal 6 nr. 1.
Geat ožžot persuvdnadieđuid
BPA Nord almmustahttá dušše dakkár persuvdnadieđuid maid mii leat geatnegahtton lága bokte dahkat.
Registrerejuvvon olbmo vuoigatvuođat
Go válddát oktavuođa BPA Nordain de lea registrerejuvvon olbmos vuoigatvuohta gáibidit beassat geahččat, divvut ja/dahje sihkkut persuvdnadieđuid mat gusket alccas. Dus lea vuoigatvuohta oažžut vástádusa vuorddekeahttá, ja maŋimustá 30 beaivvi sisa.
Váidalus dahje gažaldagat
Jus dus leat gažaldagat dan birra movt mii meannudit persovdnadieđuid, de sáhtát váldit oktavuođa BPA Nordain: post@bpa-nord.no/se
4. Registreren neahttasiiddus
Neahttasiidu mii namuhuvvo dán persovdnasuodjalusas, guoská domenii https://www.bpa-nord.no/se/. BPA Nordas ii leat ovddasvástádus olgguldas siidduide maidda neahttasiidu čujuha.
Neahttabáikegeavaheddjiin lea vuoigatvuohta biehttalit vurkkodeames dieđuid ja lea vejolaš oažžut sihkkojuvvot daid dieđuid maid mii leat juo vurkkodan. Go mii dahkat rievdadusaid neahttasiiddus (policeijas) mas lea mearkkašupmi dutnje, de mii dieđihit dutnje rievdadusaid ja rievdadanbeaivvi.
Neahttasiidobálvvát ja krypterejuvvon gulahallan
BPA Nord vurkkoda buot dátaid ja dieđuid serveriin mat leat EU/EØS siskkobealde. Neahttabáiki geavaha SSL, mii lea protokolla mii doarju krypterejuvvon gulahallama, mas lea ulbmil eastadit ahte earát sáhttet guldalit dahje autoriserekeahtes rievdadeami dahkat dain dieđuin mat sáddejuvvojit.
Ohcan neahttasiiddus
Dieđut eai vurkejuvvo go anát ohcanfunkšuvnna. Go giddet fierpmádatlogana, de sihkkojuvvot ohcandieđut.
Gulahallanskovvi
Neahttasiiddus lea gulahallanskovvi masa neahttasiiddu geavaheaddjit sáhttet sáddet dieđu midjiide. Diehtu sáddejuvvo sihkkarit neahttasiiddu bálvái, muhto sáddejuvvo viidáseappot BPA Nord:ii e-boastan.
Analysa neahttasiiddu geavaheamis
Neahttabáiki atná Google Analytics go ráhkadit statistihka, vuoi mii sáhttit buoridit ja ovddidit neahttabáikki sisdoalu. Persovdnadieđut čihkkojuvvojit ja leat aggregerejuvvon hámis, eaige sáhte guorahallojuvvot ruovttoluotta neahttageavaheaddjái, ja dat oidnojit dušše joavkodásis.
Facebook og almmuhusat
Čájehandihte dutnje nu relevánta almmuhusaid go vejolaš, de fállet Facebook almmuhusaid mat leat heivehuvvon neahttasiiddu geavaheddjiide. Facebook, mii lea goalmmát oasálaš, sáhttá geavahit diehtočoahkuid ja sullasaš teknologiijaid čohkket dahje oažžut dieđuid dán neahttabáikkis, ja atnit dáid dieđuid go fállet statistihkaid ja ulbmálaš almmuhemiid. Eanet dieđuid gávnnat dáppe: Facebook og GDPR.
Cookies/diehtofiilat
Diehtofiilat (cookies) leat unná teakstafiillažat mat biddjojuvvojit du dihtorii go vieččat web-siiddu.
Galledanstatistihka čoavddus maid mii atnit lea vuođđuduvvon Universal Analytics:as, ja dieđut eai vurkejuvvo Google Analytics:as dahje webbáikki/siidduid serveris, muhto du neahttalohkkis maid don anát. Dás oainnat makkár diehtočoahkut geavahuvvojit:
5. Maid mii registreret go válddát oktavuođa miiguin dahje go finat min guossis?
Telefuvdna
Go don riŋget midjiide, de vurkejuvvo min telefunguovddážis du telefunnummar, goas don riŋget ja man guhká bistta ságastallan. Ráđđeaddiin leat dát dieđut iežaset telefuvnnain. Dát logga dárbbašuvvo vuogádaga hálddašeapmái ja doibmii. Jus telefunságastallan gullá ovttaskas áššái, de sáhttá čállit notáhta mii biddjo journálii maŋŋel go lea ságastallan. Eai leat eará systemáhtalaš logahallamat telefovdnaságastallamiin maid bokte lea vejolaš identifiseret sin geat riŋgejit.
E-boasta
Mii eat ávžžut ovttage sáddet sensitiivvalaš dieđuid e-boastta badjel. Mii bivdit du váldit dán vuhtii, ja sáddet dákkár dieđuid juogo reiven dahje riŋget midjiide. Mii iskkat buot e-boastaid mat bohtet, ahte sáhttá go virus ja dahje mihkke eará vahátlaččaid, suodjalandihte min vuogádagaid.
Registreret iežat bargoohccin
Jus ozat barggu BPA Nord:as, de mii dárbbašit gieđahallat dieđuid du birra vai sáhttit árvvoštallat du ohcama. Go virgáibidjan lea dahkkon de sihkkojuvvojit buot dieđut mat gusket daidda ohcciide geat eai leat virgáibiddjon. Rabas ohcamat vurkejuvvojit dattetge jagi ovdal go sihkkojuvvot.
Vurkenáigi
BPA Nord vurkkoda persovdnadieđuid nu guhká go lea dárbbašlaš dan ulbmilii.
- Neahttasiidu: Vurkejuvvo gaskal minuhta ja guokte jagi, boahtá das leago cookies (minuhta gitta guokte jagi) vuoi gulahallanskovvi (jagi siste).
- E-boasta: Vurkejuvvo nu guhká go dát e-boasta lea ávkin bisteváš áššái.
- Bargoohccit: Go virgáibidjan lea dahkkon, de sihkkojuvvojit buot dat dieđut mat gusket daidda ohcciide geat eai leat virgáibiddjojuvvon. Rabas ohcamat vurkejuvvojit dattetge jagi ovdal go sihkkojuvvojit. BPA Nord ii muđui vurke persuvdnadieđuid eara jus lea eará rievttálaš vuođđu joatkit meannudemiin.
6. Gáldut ja eambbo dieđut
- Persuvdnadiehtoláhka – Personopplysningsloven
- Dearvvašvuođabargiidláhka – Helsepersonelloven
- Pasientajournála láhkaásahus – Forskrift om pasientjournal
- Pasieanta- ja geavaheddjiidvuoigatvuođaláhka – Pasient- og brukerrettighetsloven