BPA-ortnegis ii leat álo nu čielggas gii lea bargoaddi. Sáhttá leat juogo priváhta olmmoš, priváhta fitnodat dahje suohkan. Geas lea bargoaddiovddasvástádus váikkuha sihke olbmo ja veahkkebargiid vuoigatvuođaide ja geatnegasvuođaide.
Suohkan, eará aktevrrat dahje olmmoš ieš sáhttá leat bargoaddi
Gielddat sáhttet ieža fuolahit bargoaddiovddasvástádusa, dahje dahkat šiehtadusaid eará almmolaš dahje priváhta aktevrraiguin fállat BPA bálvalusa. Funkšuvnna sáhttá maiddái bidjat geavaheaddjái alcces, gokko oro heivvolaš ja ulbmila vuođul buoremus. Suohkana ortnetvuogi ii sáhte váidit, go dat eai gula eaŋkilmearrádussii.
Bargoaddi galgá fuolahit ahte čuvvot lágaid ja šiehtadusaid
Oktasaš buot bargoaddiide lea ahte sis lea ovddasvástádus das ahte čuvvot lágaid ja šiehtadusaid buot osiin doaimmas. Bargoaddis leabargoaddiovddasvástádus buot veahkkebargiin. Sii galget fuolahit ahte veahkkebargiide mákso rievttes bálká, penšuvdna, luopmoruđat ja ahte šiehtadusat, veahkkebargiid oahpaheapmi, HMS ja bargobiras lea sajis. Bargoaddi lea maid áidna olmmoš gii sáhttá heaittihit bargooktavuođa assisteanttaiguin.
Buohkat geat fállet BPA leat geatnegahtton čađahit bákkolaš bargojođiheaddji-kurssa iežaset bargojođiheddjiide.
