Bargojođiheaddji

BPA-ortnegis lea sus guhte oažžu bálvalusaid geas lea rolla leat bargojođiheaddji. Dát addá geavaheaddjái ollislaš stivrejumi iežas ortnega badjel, ja vejolašvuođa stivret iežas árgabeaivvi nu ahte heive buoremusat sidjiide.

Bargojođihanovddasvástádus sáhttá leat lossa

BPA-ortnegis definerešii son, geas lea jođihanovddasvástádus, doaimma ulbmila, mii lea nannosit čadnon bálvalusdárbbašeaddjái ja suohkana mearrádussii. Dát ovddasvástádus sáhttá leat lossat. Assisteanttat barget lahka duinna du beaivválaš eallimis ja bargojođiheaddjis gáibiduvvo earuhit fidnolaš ja persovnnalaš beliid.

Bargit geat virgáiduvvot galget fuolahuvvot bargojođiheaddjis bargoáiggi ektui, mearrádusa rámmaid siskkobealde, ja maiddái lágaid ja šiehtadusaid mielde. Bargojođiheaddji ferte čuovvut juolluduvvon diibmomearrádusaid. BPA Nordas leat digitála reaiddut maiguin bargojođiheaddji álkit sáhttá hálddašit proseassa.

Bargoaddi galgá fállat bargojođiheaddjikurssa

Bargoaddi gean leat válljen, galgá fuolahit ahte oaččut dárbbašlaš máhtu ja jođihangelbbolašvuođa, vuoi dus lea vejolašvuohta šaddat buorre jođiheaddjin. Buot bargojođiheaddjit fertejit čađahit bákkolaš bargojođiheaddji-kurssa maid du lágideaddji fállá. 

Bargojođiheaddjis galgá leat bargiidovddasvástádus

Dus lea ovddasvástádus háhkat bargiid, organiseret bargobeaivvi, ráhkadit bargoplána, plánet luomu, háhkat sadjásaččaid, doallat bargiidčoahkkimiid, čuovvolit bargiid kurssaid, oahpahusa ja buozalmasjávkama oktavuođas, čuovvut bargoaddiid rutiinnaid ja fuolahit buori geavaheaddjistivrema. 

Lea dušše bargoaddi gii sáhttá cealkit eret bargiid, dus ii leat váldi cealkit eret bargiid.

Bargoaddi ja bargojođiheaddji gaskka berre sihkkarastit buori struktuvrra

Bargojuohkin bargojođiheaddji ja bargoaddi gaska berre dahkkojuvvot čálalaččat dalle go lea vejolaš. Sihkkarastindihte buori ja čielga struktuvrra ja vuoi čielggada vuordámušaid nubbi nubbái. Dát dahka veahkkebargiide álkibun diehtit geainna galget gulahallat ja geas lea ovddasvástádus fuolahit iežaset bargguid.

Bargojođiheaddji galgá ráhkadit bargočilgehusa

Bargojođiheaddjis lea ovddasvástádus ráhkadit bargočilgehusa dahje bargoneavvuid nu ahte veahkkebargi sáhttá čađahit bargguid nugo lea jurdda ja sávaldat. Dát čilgehus geahpida maiddái bargojohtejeaddjái bearráigeahččat ahte assisteanta oažžu doarvái ja dárbbašlaš oahpu, ja vejolašvuođa ovdánit barggus.

Bargojođiheaddji mearrida mot bargguid galgá bargat

Bargojuogadeapmi lea dehálaš, ja beaivválaš jođiheaddjis lea ovddasvástádus addit bargiide einnostahtti bargobeaivvi, buori ja dohkálaš bargobirrasis. Nu mot lea bargoaddiin šiehtadus. Don guhte leat bargojođiheaddji, mearridat gii galgá veahkehit du, maid veahkkebargi galgá bargat, gos ja goas barggut galget doaimmahuvvot.